Yoshlar bilan ishlash, ma’naviyat va ma’rifat bo‘limi universitetda tahsil olayotgan talabalarning har tomonlama barkamol, vatanparvar, yuksak ma’naviyatli va zamonaviy fikrlaydigan shaxs bo‘lib shakllanishiga xizmat qiluvchi muhim tuzilmalardan biridir.
Bo‘limning asosiy vazifasi yoshlar o‘rtasida ma’naviy-ma’rifiy ishlarni tashkil etish, ularning bo‘sh vaqtini mazmunli o‘tkazishga ko‘maklashish, ijtimoiy faolligini oshirish hamda turli zararli illatlardan asrashga qaratilgan targ‘ibot-tashviqot ishlarini olib borishdan iborat.
Mazkur bo‘lim tomonidan turli ma’naviy-ma’rifiy tadbirlar, davra suhbatlari, uchrashuvlar, seminarlar va tanlovlar muntazam ravishda tashkil etiladi. Shuningdek, talabalarda milliy qadriyatlarga hurmat, Vatanga sadoqat, qonunlarga itoatkorlik, sog‘lom turmush tarziga amal qilish kabi fazilatlarni shakllantirishga alohida e’tibor qaratiladi.
Bo‘lim yoshlar bilan individual ishlash, ularning muammo va takliflarini o‘rganish, iqtidorli talabalarni qo‘llab-quvvatlash hamda ularni turli loyihalar va tashabbuslarga jalb etishda ham faol ishtirok etadi.
Shu bilan birga, bo‘lim universitetda sog‘lom ma’naviy muhitni shakllantirish, yoshlar o‘rtasida o‘zaro hurmat va hamjihatlikni mustahkamlashga xizmat qiladi.
